Bokposar til barn og unge

Bokbanden-pose

Bokbanden starta som ein bokklubb for barn, men har utvikla seg til å bli ein teneste der ein kan bestilla ein hemmeleg bokpose spesialplukka til deg og ditt barn. Bokbanden gjeld for alle barn mellom 0-13 år i Etne og Skånevik.

I eit bestillingsskjema svarer du på nokon enkle spørsmål som gjeld alder, antal bøker, type bøker og interesser.

Du vil få melding då bokposen er klar til henting. Ventetid er max 1 veke. Du låner bøkene i 1 månad, og me ønskjer at du også hugsar å levere tøyposen tilbake.

Logoen til Bokbanden er teikna av Varg Salmo Bårholm og namnet er laga av Silje Markhus Hegerland.

Kva bok er du?

Ungdom over 13 år kan òg få tildelt ein pose med hemmelege boktips. Denne tenesta er mykje brukt av skule, men kan òg nyttast av ungdommar sjølve/foreldre som ønskjer boktips til sin ungdom.

Du svarer på eit spørjeskjemet “Kva bok er du?”

Ut frå svar på meir eller mindre direkte spørsmål om bøker, interesser og personlegdom får du tildelt to boktips ferdig utlånt frå oss. Du får melding då posen er klar til henting. Ventetid er max ei veke.