Utlån

Det er gratis å låna. Alle som har gyldig lånekort har rett til å låna ved Etne bibliotek.

Korleis bli lånar?

Alle barn som startar i 1. klasse i Etne og Skånevik får tilbod om lånekort ved folkebiblioteket. Barn under 15 år treng underskrift frå føresette, og får derfor med seg informasjon om folkebiblioteket samt innmeldingsblankett via skulen.

Ta kontakt med biblioteket dersom ein ikkje har lånekort, og ønskjer å registrera seg som lånar.

Registrering på nett

Du kan òg registrera deg som lånar ved Etne bibliotek på nett.

Du må likevel komma innom for å aktivera lånekortet ditt. Du vil då også få tildelt eit fysisk lånekort, dersom du ønskjer dette.

Lånereglar

Ved å klikka på denne lenka finn du gjeldane lånereglar for Etne bibliotek.

Nasjonalt lånekort – Bibliotekkortet

Lånekortet ditt kan gjerast nasjonalt. Det vil seia at ein kan nytta lånekortet på alle andre folkebibliotek i Noreg. Første gong du lånar ved eit nytt bibliotek må du først registrera kortet ditt i skranken. Deretter kan du nytta deg av alle dei sjølvbetente tilboda.

Du kan òg bestilla eit nasjonalt lånekort sjølv. Dette kortet heiter “Bibliotekkortet” og vert administrert av Nasjonalbiblioteket.

Les meir om Bibliotekkortet på denne nettsida.

Du kan berre registrera deg nasjonalt éin gong.

Fjernlån

Det biblioteket ikkje sjølv har inne, kan me skaffa frå andre bibliotek. Fjernlån er gratis.M

Dersom du har nasjonalt lånekort kan du sjølv bestilla bøker og media frå alle bibliotek i landet via bibsok.no. Bøkene vert deretter sendt til ditt heimebibliotek (hugs å velga Etne bibliotek).

Media på andre språk

Ønskjer du bøker eller andre media på anna språk enn norsk? Me kan låna inn til deg gratis mellom anna frå Det flerspråklige bibliotek. Dersom du er nasjonal lånar, kan du sjølv bestilla bøker.

Biblioteket har eigen samling for barn, ungdom og vaksne på engelsk. Det vil òg alltid vera tilgjengeleg ei lita samling med bøker på andre morsmål enn norsk som er nytta på blant barn i Etne kommune. Dette utvalet vert skifta ut jamleg. Ta kontakt om du har ønskjer!